Ольга Павлова Конституциягә техник алгарыш турындагы төзәтмәләрнең мөһимлеген аңлатты

Татарстан Республикасыннан Дәүләт Думасы депутаты Ольга Павлова фикеренчә, фәнни һәм техник алгарышка омтылыш РФ Конституциясендә беркетелергә тиеш. 

"Россиянең фәнни-техник алгарышка омтылуы-ул хезмәт җитештерүчәнлеге һәм икътисад үсеше нигезе. Икътисад үсеше гражданнарыбызның иминлеген, муллыгын арттырырга мөмкинлек бирәчәк, шуңа күрә хезмәт җитештерүчәнлеген арттыру буенча төрле чаралар күрү, фәнни, технологик алгарыш өчен шартлар тудыру бик мөһим. Бигрәк тә хәзер, безнең ил, бөтен дөнья кебек үк, коронавирус инфекциясе пандемиясе белән бәйле икътисади нәтиҗәләрне кичерә", - дип белдерде Павлова.

Аның фикеренчә, Россиядә прогрессив яшьләр өчен шартлар тудырырга кирәк. Бу очракта яшь кадрлар, шул исәптән икътисади кризистан чыгарга ярдәм итүче идеяләрне кертә һәм тормышка ашыра алыр иде.

Моның өчен фәнни белем бирүне үстерергә, һөнәри әзерлек өчен шартлар тудырырга кирәк. Бу укучылар әзер яңа заман таләпләренә, шул исәптән ясалма интеллект булдыруга мөмкинлек бирәчәк.

«Бу чараларның барысы да табышны, технологик производстволарның керемлелеген, хезмәт хакын, гражданнарыбызның муллыгын арттырырга мөмкинлек бирәчәк. Шул рәвешле, икътисад үсеше дә артачак. Боларның барысы да киләчәктә дәүләтебезгә социаль ярдәм күрсәтү чараларын гамәлгә ашыру өчен кирәк», — дип саный Татарстаннан Дәүләт Думасы депутаты.

Россиянең фәнни-техник алгарышка омтылышы турындагы төзәтмәләр кертү илнең якын һәм озак вакытка исәпләнгән үсеш стратегиясен күрсәтә, дип тәмамлады ул.