МХО катнашучылары эшкә урнаштырыла.
Әлмәттә Татарстан кадрлар клубының "Иң мөһиме – кешеләр" девизы астында бишенче очрашу узды. Төп тема тыныч тормышка әйләнеп кайтучы МХО катнашучыларын эшкә урнаштыру булды.
Мәйданчыкларның берсендә сәламәтлек мөмкинлекләре чикләнгән 15 кеше эшкә урнаштырылган инде, шуларның алтысы - МХО катнашучылары. Эш урыннары хезмәткәрләрнең сәламәтлек үзенчәлекләрен исәпкә алып җиһазландырылган.
- Экспертлар кешене эшкә алу гына түгел, ә аңа җайлашырга ярдәм итү дә мөһим, дип ассызыкладылар. Җайлашу процессында психолог белән индивидуаль эш тә бар.