Әлмәт районының 1000гә якын гаиләсе торак шартларын яхшырту өчен ана капиталыннан файдаланды

Ана капиталы дәүләт ярдәменең иң кирәкле чараларының берсе булып кала бирә. Программа үзенең нәтиҗәлелеген исбатлады, ата-аналарга балалары өчен уңайлырак тормыш шартлары тудырырга һәм иртәгесе көнгә ышанычны тәэмин итәргә булышты.

Әлмәт муниципаль районы башлыгы Гүзәл Хәбетдинова
2025 ел эчендә генә дә районның 9 8 8 0 0 гаиләсе ана капиталы акчаларын үзләренең торак шартларын яхшырту өчен кулланган, дип хәбәр итте.

Агымдагы елның 1 февраленнән ана капиталы күләме индексацияләнде. Индексация сертификат алган, әмма әле аның акчаларын кулланмаган яки түләүнең бер өлешен счетында саклаган гаиләләргә таралган.

Бүгенге көндә дәүләт ярдәмен алу процессы мөмкин кадәр гадиләштерелгән. Сертификат ЗАГС идарәсендә бала туу теркәлгәннән соң автомат рәвештә рәсмиләштерелә. Ата — аналарга ведомстволарга йөрергә һәм кәгазь гаризалар бирергә кирәкми-әзер электрон документ автомат рәвештә «Госуслуги» порталында шәхси кабинетта пәйда була.

Ана капиталы программасын гамәлгә ашыру турыдан-туры «Гаилә» яңа милли проектының максатларына ирешүгә ярдәм итә. Аның төп бурычы-балалы гаиләләрнең иминлеген һәрьяклап күтәрү һәм илдә һәм төбәктә демографик күрсәткечләрне үстерү өчен шартлар тудыру.