Тимур Нагуманов: Әлмәттә сусаклагычны ашыгыч рәвештә файдалануга тапшырырга кирәк

Әлмәттә сусаклагычның реконструкцияләнгән участокларын файдалануга әзерләячәкләр. Шәһәр активы киңәшмәсендә мәсьәләне район башлыгы Тимур Нагуманов күтәрде, бу эшнең ничек алып барылачагын билгеләргә кирәклеген аңлатты.

Су объектында төзелеш эшләре дәвам итә, проект берничә этапта узачак. Әмма бүген үк сусаклагыч популяр ял итү урыны булып тора. Узган ялларда анда су-мотор спорты буенча Россия чемпионаты узды. Сулыкта су коену урыннары булмаса да, күп ял итүчеләр, шул исәптән суга керүчеләр дә булган.

«Моны күзәтеп торучы кешеләрсез койма эшләми. Моны тиз эшләргә кирәк. Беренчедән, без төзелеш сезонының беренче яртысына планлаштырган эшләрне тиз тәмамларга, тизләтергә, тәмамларга тиеш. Киләчәккә эш күләме бар. Әмма параллель рәвештә эксплуатацияне башларга кирәк. Ашыгыч рәвештә. Күзәтү, контроль тоту, тәртип урнаштыру мөһим», - диде район башлыгы.