Әлмәт районында Анатолий Ильдуковка истәлек тактасы ачылды

Иске Суркино мәдәният йортында Анатолий Ильдуковка истәлек тактасы ачылды. Узган елның октябрендә мобилизацияләнгән сержант Ильдуков 2023 елның февралендә хәрби хәрәкәтләр барышында һәлак булды. Коллегалары, туганнары һәм авылдашлары Батырлык ордены иясе истәлеген мәңгеләштерергә карар итәләр.

Коллегалары, туганнары һәм авылдашлары һәлак булган Анатолий Ильдуковны бер минут тынлык белән искә алдылар.

"Мин күңелем белән аны алачакларын сизенгән идем", — дип искә ала Ирина Ильдукова.

Анатолийны узган ел, 1 октябрьдә мобилизацияләгәннәр. Булачак хезмәттәшләре белән бергә махсус операциягә китә. Сержант дәрәҗәсе һәм бүлек командиры вазифасын ала һәм ярты ел дәвамында иң куркыныч подразделениеләрнең берсендә разведкада алгы сызыкта була. Анатолий Ильдуковның хезмәттәшләре дә  хөрмәт күрсәтергә килделәр.

Быелның 10 февралендә ул бер задание вакытында һәлак була. Анатолий Ильдуков полкташлары һәм аны белгән һәркемнең хәтерендә җаваплы, игелекле һәм ярдәмчел кеше булып калачак.

Мемориаль планшетны ясау өчен бер ай вакыт киткән: килешүдән алып урнаштыруга кадәр. Туганнарының инициативасын авылдашлары һәм Анатолийның хезмәттәшләре хуплый.

Анатолийның ике улы һәм хатыны кала. Хәзер ул башкаларга авырлыкларны җиңәргә ярдәм итә, Ольга Ильдукова — «Ватанны саклаучылар» фонды координаторы.

"Шәһәрдә мемориаль комплекслар беткәнче планлаштырылмый, без Иске Суркино авылында Толя истәлеген мәңгеләштерергә булдык", — диде Ольга Ильдукова.

Ә барлык чыгышлардан соң җыелганнар мемориалга чәчәкләр салдылар.