Әлмәттә шәһәр күлен төзекләндерү тәмамланды

Әлмәттә шәһәр күлен төзекләндерү тәмамланды, ул ике этапта үтте. Әлмәт районы башлыгы Тимур Нагуманов Татарстан шәһәрләрен үстерү институты командасы белән бергә әлмәтлеләр  яраткан  иҗтимагый киңлекне тикшерде.

Башта шәһәр күле 2016 елда су саклау зоналары елы кысаларында төзекләндерелә. Зур эш башкарыла: пляж төзекләндерелә, төрле активлык зоналары барлыкка килә. Пляж шәһәр халкының да, аның кунакларының да актив ял итү урыны булып тора.

Искәртеп узабыз, Әлмәт шәһәр күле пляжы республиканың барлык хезмәтләрдән, шул исәптән Роспотребнадзордан да, ял итүчеләрне кабул итү өчен рөхсәт алучы 53 пляжы исемлегенә керә.

Узган ел күлне Шевченко һәм Болгар урамнары ягыннан төзекләндерү турында карар кабул ителде. Икенче чиратта белгечләр гранит брусчатка җәяләр, бордюр таш урнаштыралар, кечкенә архитектура формаларын урнаштыралар һәм Шевченко — Болгар урамнары киселешендә керү зонасын төзекләндерәләр.

Хәзерге вакытта җәяүлеләр юллары буйлап урам яктырту челтәрләрен монтажлау, койма монтажлау, видеокүзәтү системасын урнаштыру тәмамлана.

Шәһәр күлен яңарту «Торак һәм шәһәр мохите» милли проекты ярдәмендә узды. 2022 елда Россия Президенты Владимир Путин кече шәһәрләрдә уңайлы мохит булдыруга киләсе ике елга — 2023 һәм 2024 елларга 10 млрд сум бүлеп бирергә тәкъдим итте.

"Уңайлы шәһәр мохите булдыру буенча гамәлгә ашырылган проектлар саны арта. Мондый проектлар кече һәм тарихи шәһәрләр өчен бик мөһим», — дип билгеләп үтте Дәүләт Башлыгы Петербург халыкара икътисадый форумының пленар утырышында.

Милли проектлар 2019 елда РФ Президенты Владимир Путин инициативасы белән оештырылган.

Фото: Әлмәт районы башлыгы матбугат хезмәте