Әлмәтлеләр Татарстан республикасы муниципаль берәмлекләре арасындагы смотр-конкурста җиңү яулады

Кичә "Казан Экспо" халыкара күргәзмә үзәгендә узган Татарстан республикасы муниципаль берәмлекләре арасындагы смотр-конкурс җиңүчеләренә бүләкләр тапшырылды.

Тантанада район башлыгы Тимур Нагуманов җитәкчелегендәге Әлмәт районы делегациясе катнашты.

Конкурста җиңүчеләргә, шул исәптән безнең район вәкилләренә - Борискино авыл җирлеге башлыгы Җәмилә Илалова, Югары Акташ авыл җирлеге башлыгы Александра Шатунова, Ерсубайкино башлыгы Екатерина Николаева һәм Ямаш авыл җирлеге башлыгы Евгения Николаинага Татарстан Республикасы Президенты Рөстәм Миңнеханов яңа җиңел автомобильләр ачкычларын тапшырды.