Әлмәттә яңгыр сулары ага торган системаларны тикшерделәр
Эш барышында туфрак тутырылган кое табылган.
Әлмәт районы башлыгы Тимур Нагуманов кушуы буенча Әлмәттә яңгыр сулары ага торган системаны тикшерү буенча эшләр башкарылды, дип хәбәр итә Әлмәт районы башлыгының матбугат хезмәте.
Ачыкланганча, Ленин урамы, 125 һәм 123 Зифа Балакина урамына кадәр аралык кое туфрак белән күмелгән һәм онытылган.
Шәһәрнең автомобиль юллары идарәсе хезмәткәрләре коены чистартып юганнар дип хәбәр ителә. Хәзерге вакытта проблема чишелгән.
"Безнең ишегалды" республика программасы кысаларында әлеге ишегалды 2024 елда төзекләндереләчәк. Әлеге программа буенча яңгыр сулары ага торган системаны тулысынча алыштырачаклар", - диделәр.
Фото: Әлмәт районы башлыгы матбугат хезмәте
Следите за самым важным и интересным в Telegram-каналеТатмедиа