Әлмәттә каты көнкүреш калдыкларын саклау полигонында янгын булды

Әлмәттә каты көнкүреш калдыкларын саклау полигонында янгын чыкты.

25 майда 8 сәгать 22 минутта каты көнкүреш калдыклары полигонында янгын турында хәбәр килә. Нәтиҗәдә, 6000 квадрат метрлы җирдә  каты көнкүреш калдыклары янган.

"Янгынны 13 сәгать 19 минутка локальләштерү мөмкин булды», - дип аңлатма бирде Әлмәт районы буенча күзәтчелек эшчәнлеге һәм профилактика эше бүлегенең өлкән тикшерүчесе Ренат Мортазин.

Махсус техника ярдәмендә объект периметры буенча оператив рәвештә янгынга каршы чокырлар казыганнар. . Якында гына нефть инфраструктурасының гамәлдәге объектлары булган.

Барлыгы 14 самосвал, 3 экскаватор, 2 йөк төягеч, 2 бульдозер, 5 су ташучы авто һәм 8 берәмлек янгын сүндерү техникасы җәлеп ителгән.

32 шәхси состав хезмәткәрләре вакыйга урынында, шулай ук 5 җитәкче, алар арасында шәһәр Башкарма комитеты җитәкчесе Айнур Исхаков та бар, урында эшләгән. 

Фото: Әлмәт районы башлыгы матбугат хезмәте