Татарстан прокуратурасы Әлмәттәге ИК-8дә янгын чыгу факты буенча тикшерү оештырды
Әлеге вакыйга урынында Әлмәт прокуроры урынбасары Илнур Габдурахманов булды.
Күзәтчелек ведомствосы профильле белгечләр белән берлектә вакыйганың сәбәпләрен һәм шартларын ачыклаячак.
Нигезләр булганда прокурор реакциясе чаралары күреләчәк.
"ИК-8 сәнәгать өлешендә янгын чыгуны күзәтәбез, район башлыгы Тимур Нагуманов кушуы буенча башкарма комитет җитәкчесе Айдар Каюмов урынга чыкты. Учреждение җитәкчелеге белән элемтәдә. Барлык ашыгыч хезмәтләр дә урында",-дип хәбәр иттеләр район башлыгы матбугат хезмәтендә.
25 май көнне кич Әлмәттә ИК-8 ягыннан куе төтен һәм ялкын күрделәр. Видео шунда ук социаль челтәрләрдә тарала башлады.
Фото: ТР прокуратурасы телеграм каналы
Следите за самым важным и интересным в Telegram-каналеТатмедиа