Әлмәтнең Сабантуй мәйданында 200 дән артык мастер класс узды

Кунаклар бәйрәм өчен махсус әзерләнгән күңел ачу программасы белән таныштылар. Мәйдан мәйданчыкларында «Районның мәдәни брендлары» интерактив күргәзмәләре, милли ишегаллары күргәзмәсе, район музейлары һәм үзәк китапханә системасы мастер-класслары оештырылды. Биредә татар халык һәм рус халык тематикасында театрлаштыру элементлары белән күңел ачу-уен программасы барды.

Бәйрәмнең барлык локацияләрендә «Гореф-гадәтләрнең тере җебе» тематикасын чагылдырган 200-ләп мастер-класс оештырылган иде. Алар-атлас тасмалар белән чигү, канеколоннар үрү, «Мандал», «Төшләр остасы» мастер класслары,  роботлар ясау, агачтан беләзекләр ясау, курчаклар-саклар эшләү, үреп бизәкләр ясау, кашыкларга рәсем төшерү, номерлар буенча гаять зур картина, сумка-шопперлар ясау, түбәтәйләрне бизәү, футболкалар һәм баш киемнәрен татар орнаменты белән бизәү бар иде.  

Балалар мәйданында «Бөек Болгар. Үткәнгә сәяхәт» күргәзмәсе һәм бөтен гаилә өчен тарихи мастер-класслар узды. Теләге булган һәркем үзен чүлмәкче, тимерче, күнче сыйфатында сынап карый алды.

Бәйрәм кунакларының күңелен әкият персонажлары күтәрде. Бүрәнәләрне тиз арада кисү буенча ярышлар да булды хәтта.

«Квант иле» интерактив ноктасы «Кванториум - Пионерлар йорты» балалар технопаркыннан мастер-класслар, спорт уеннары, конкурслар, шулай ук фотозона һәм самавыр һәм коймак белән чәй зонасы тәкъдим ителде.

Үзәк мәйданда «Гореф-гадәтләрнең тере җебе» театральләштерелгән программасы тәкъдим ителде. Тамашаны милли костюмнар кигән артистлар ачып җибәрде. Шулай ук районның авыл хуҗалыгы предприятиеләренең һәм крестьян-фермер хуҗалыкларын хөрмәтләү тантанасы узды.

Әлмәт муниципаль районы башлыгы Тимур Нагуманов үз чыгышында нефть башкаласы халкын һәм кунакларын милли бәйрәм белән кайнар котлады, район халкының авыл хуҗалыгы өлкәсендәге уңышларын билгеләп үтте: «Мин аларның  яхшы күрсәткечләргә ирешәчәгенә ышанам. Авыл хуҗалыгы тармагы белән бергә яши һәм эшли торган безнең шәһәр өчен Сабантуй иң яраткан бәйрәмнәрнең берсе булып тора. Мин барыгызны да бүген яраткан милли бәйрәмебез-Сабантуй белән котлыйм. Барыгызга якты хисләр, уңай тәэсирләр телим. Без ветераннарыбызга рәхмәт сүзләре җиткерәбез. «Татнефть» компаниясенә даими финанс ярдәме өчен зур рәхмәт. Республика җитәкчелегенә барлык башлангычларда Әлмәткә  ярдәм күрсәткәне өчен рәхмәт белдерәбез. Бәйрәм белән!».

"Сабантуй планета буйлап атлый, дип әйтәбез һәм бу дөрес. Без барысы да диярлек язгы кыр эшләрен төгәлләдек. Җәй матур булыр, көз көне дә лаеклы уңыш җыярбыз дигән өмет белән куанырга, очрашырга, бер-беребезне котларга җыелдык. Татарстан Республикасы-Россия Федерациясенең иң алдынгы субъектларыннан берсе. Авыл хуҗалыгында, нефть чыгару, эшкәртү, машина төзелеше, бизнеска ярдәм итү буенча алдынгы субъект", - бәйрәмнең хөрмәтле кунагы-Татарстан Республикасы Премьер-министры урынбасары Васил Шәйхрәзиев Татарстан Республикасы Президенты Рөстәм Миңнехановның котлавын укыды.

Аннары авыл хуҗалыгы хезмәткәрләрен хөрмәтләү тантанасы булды.

Әлмәт муниципаль районының агросәнәгать комплексын 22 авыл хуҗалыгы товар җитештерүчеләре тәкъдим итә. Предприятиеләр, авыл хуҗалыгы продукциясе җитештерү белән бергә 60тан артык фермер хуҗалыгы шөгыльләнә, шулай ук районда ике эре инвестор эшли: «Союз-Агро» ҖЧҖ һәм «СМП-Нефтегаз»АҖ. 

Районның авыл хуҗалыгы җирләре мәйданы 120 мең гектардан артык мәйданны  тәшкил итә, бүгенге көнгә 70 мең гектарга якын бөртекле, кузаклы, азык һәм техник культуралар чәчелгән.

Традицион ат чабышлары һәм милли көрәш бәйрәм программасының кульминациясе булды. "Сабантуй-2022"нең абсолют батыры исемен Радик Сәлахов яулады. «Татнефть» компаниясе ярдәме белән быел баш батыр традицион милли приз – тәкә, шулай ук махсус приз – автомобиль алды. Рәсми өлеше үзәк мәйдан буйлап «Төп батыр-2022» атлавы белән тәмамланды.

Бәйрәм татар җырчысы Илнат Фәрхуллин, «Камертон» кавер-төркеме, шәһәр һәм районның иҗат коллективлары һәм артистлары катнашында концерт программасы белән тәмамланды.