Әлмәттә мәдәният идарәсенә яңа җитәкче эзлиләр
Гаризалар 1 февральгә кадәр кабул ителә.
Әлмәттә мәдәният идарәсе башлыгы вазифасына конкурс игълан ителде. Бу хакта инстаграмда турыдан-туры эфирда Әлмәт районы башлыгы Тимур Нагуманов сөйләде.
Элек бу вазифаны Гүзәл Пайдуллина озак вакытлар башкарды. Шушы көннәрдә аның Әлмәт музыка көллияте директоры итеп билгеләнүе билгеле булды.
Резюмены 2021 елның 1 февраленә кадәр кадрлар бүлегенең электрон почтасына җибәрергә кирәк Oksana.Belonogova@tatar.ru шәһәрнең мәдәни тормышын үстерү концепциясе булган презентация тәкъдим итәргә кирәк.
Кандидатның югары белеме булырга тиеш. Ә муниципаль хезмәт стажы – бер елдан да ким булмаска тиеш яки белгечлек, юнәлеш буенча ике елдан да ким булмаган эш стажы булырга тиеш.
"Безнең конкурс комиссиясенең таләбе-кеше җаваплы, креатив, заманча трендларны белүче һәм тулаем район өчен нәрсә дә булса эшләргә теләүче булырга тиеш", - дип билгеләп үтте Нагуманов.
Резюме һәм презентация нәтиҗәләре буенча финалистлар билгеләнәчәк, алар белән экспертлар советы әгъзалары һәм Әлмәт районы башлыгы очрашачак.
Следите за самым важным и интересным в Telegram-каналеТатмедиа