Әлмәтле аферистлар күрсәтмәсе буенча алданган картлардан акча алган

Татарстан полициясе аферистларга ярдәм итүдә шикләнелгән 20 яшьлек әлмәтлене тоткарлады. Аны хокук саклау органнарына Нурлатта яшәүче 75 яшьлек хатын мөрәҗәгать иткәннән соң тотканнар.

Зыян күрүче оперативникларга хокук саклау органнары хезмәткәре шалтыратып, кызын җинаять җаваплылыгына тартмасын өчен акча таләп иткәнен сөйләи. Ул, аферистлар "әкияте" буенча, юл-транспорт һәлакәтендә гаепле булган. Мәсьәләне җайга салу өчен шалтыратучы 380 мең сум таләп итә. Акча алу өчен пенсионер янына курьер килгән.

Сораштыру вакытында тоткарланган әлмәтле мессенджерларның берсендә телефон мошеннникларына курьер булып эшкә алынганын сөйләде. Аның бурычларына "эш бирүчеләре" тарафыннан алданган кешеләрдән акча алу керә. Үз ролен үтәгән өчен шикләнелгән кеше алынган сумманың билгеле бер процентын алган.

Егеткә карата «Мошенниклык»маддәсе буенча җинаять эше кузгатылган. Хәзер ул китмәү турында язылу астында тора.

Оперативниклар шикләнелүченең мондый җинаятьләргә катнашы булуын ачыклый һәм мөмкин булган катнашучыларны ачыклый, дип хәбәр итә Татарстан буенча Эчке эшләр министрлыгының Матбугат хезмәте.