Җинаять һәм җәза
Әлмәтле җинаять эше материалларын бозган өчен 100 мең сум күләмендә штраф түләячәк
Ир үз гаебен таныган.
Суд Әлмәттә яшәүче 39 яшьлек ирне гаделлек урнаштыруга комачаулауда гаепле дип тапты. Бу хакта Татарстан прокуратурасының матбугат хезмәте хәбәр итә.
Тикшерү версиясе буенча, узган елның февралендә ир-атка һәм аның дустына карата чит кешенең милкен урлау һәм аңлы рәвештә юк итү турында җинаять эше кузгатылган. Судта материаллар белән танышканда ир-ат җинаять эшенең бер битен каләм белән буяган.
Ир үз гаебен таныган. Суд аңа дәүләт кеременә 100 мең сум күләмендә штраф билгели.
Хөкем карары законлы көченә кермәгән һәм шикаять белдерергә мөмкин.
Следите за самым важным и интересным в Telegram-каналеТатмедиа