Иптәшен лом белән үтергән әлмәтлене хөкем итәчәкләр

34 яшьлек әлмәтлене «Аеруча рәхимсезлек белән кылынган үтерү» маддәсе буенча җинаять кылуда гаеплиләр. Ир берничә тапкыр җинаять җаваплылыгына тартылган, дип хәбәр итә ТР буенча РФ Тикшерү комитетының тикшерү идарәсе.

Тикшерү ачыклаганча, гаепләнүче һәм 38 яшьлек зыян күрүченең бер бытовкада яшәве ачыкланган. Алар арасында конфликт узган елның 31 декабрендә булган. Ызгыш вакытында җинаятьче иптәшенә  тәненең төрле өлешләренә ун тапкыр  металл лом белән суга һәм зыян күрүче шунда ук үлә.

Гаепләнүче ашыгыч ярдәмгә, полициягә шалтырата һәм бу хакта хәбәр итә.

Ир үз гаебен өлешчә таныган. Аны сак астына алганнар. Эш материаллары судка җибәрелгән.