Татарстанлыларга түләүсез медицина ярдәме тәкъдим итәләр

«Доктор янәшәдә» медицина компаниясе ВЭБ.РФ дәүләт корпорациясе белән берлектә Россиядә яшәүчеләрне түләүсез медицина ярдәме белән тәэмин итү буенча федераль проектны башлап җибәрде.
⠀
Татарстан Республикасында проект ТР Сәламәтлек саклау министрлыгы ярдәме белән алып барыла.
⠀
«Доктор янәшәдә» сервисының югары профессиональ табиблары гражданнарга ашыгыч һәм планлы мәсьәләләр буенча түләүсез консультацияләр бирәчәк.
⠀
Терапевтлар һәм педиатрлар тәүлек буе эшли торган режимда эшләячәк, барлык төп тар белгечлек табибларына уңайлы вакытка алдан язылырга мөмкин.
⠀
Моннан тыш, сервиска кардиологлар, неврологлар, гастроэнтерологлар, эндокринологлар, гинекологлар, урологлар, травматологлар-ортопедлар, ЛОРлар, дерматологлар һәм аллерголог-иммунологлар кушылды.
⠀
Консультацияләр сайт яки «Доктор янәшәдә» кушымтасы аша, шулай ук федераль телефон номеры буенча да видео/аудио форматында булырга мөмкин.
⠀
Сервис кешеләргә өйдән дәваланырга, дәвалауның барышын контрольдә тотарга, анализ нәтиҗәләрен киңәйтергә ярдәм итәчәк.
⠀
Программа халыкның киң катламнары, бигрәк тә хроник авырулар булган пациентлар, өлкән буын кешеләре һәм кечкенә балалары булган гаиләләргә, моннан тыш, үз-үзеңне изоляцияләү яки карантин режимында булган барлык кешеләр өчен актуаль.
⠀
Проект шулай ук табибларга һәм сәламәтлек саклау системасына эпидемиягә каршы көрәшергә ярдәм итәргә мөмкинлек бирәчәк.

Проектның рәсми сайты: veb.dr-telemed.ru.
⠀
Дистанцион консультацияне бушлай алуның өч ысулы:
1️. Кушымта ярдәмендә.
? «Доктор рядом Телемед» кушымтасын үзеңә күчерергә
? Теркәлергә
? VEBMED промокодын кертергә
? Консультация алырга
⠀
2️. Компьютер ярдәмендә.
? telemed.drclinics.ru сылтамасы буенча узарга
? Теркәлергә
? VEBMED промокодын кертергә
? Консультация алырга
⠀
3. Федераль телефон номеры ярдәмендә
(8 800 550 69 17).
Оператор сезне терки, терапевтка яки тар белгечкә юллый.