Әлмәт районында 2-нче тапкыр урман янды

Инцидент турында мәгълүмат көннең 12 сәгатендә 101 нче янгын сагы номеры буенча килде.

Вакыйга урынына Әлмәт гарнизоны янгын сүндерүчеләре һәм урман хуҗалыгы министрлыгының урман саклау буенча янгын-химия станцияләре хезмәткәрләре чыкты. Авылга күчү куркынычы юк, янгын нәтиҗәсендә беркем дә зыян күрмәде, дип хәбәр иттеләр «Татар-информ»га ТР буенча Россия гадәттән тыш хәлләр министрлыгы баш идарәсе матбугат хезмәтендә.