Әлмәттә аккошларны кышларга урнаштырдылар

8 Әлмәт аккошы кышларга китте. Салкын сезонда кошлар өч җылы иркен вольерда яшиләр.

Бер ак, өч көрән һәм дүрт кара аккошны вакытлыча ат спорты мәктәбенә урнаштырдылар. Кошларга 3 вольер бүлеп бирелгән. Аларның һәрберсендә бер аккош гаиләсе яши. Бу парларны таркатмаганнар һәм бутамаганнар. Ә бер вольерда аккошлар квартеты урнашкан. Чөнки нәкъ шундый состав белән алар шәһәр күлендә яшәгәннәр. Кошларга җылыга күчәргә шәһәр автомобиль юллары хезмәткәрләре ярдәм иткән.

"Кыш башлангач, без ел саен аккошлар ташыйбыз. Узган ел 4 аккош иде, быел тагын 4 аккош шәһәр күленә очып килгән", — дип сөйләде оешма мастеры Рамил Шәйхелисламов.

Аккошлар атлар белән беренче ел гына күрше түгел.

Ат спорты мәктәбенең тәҗрибәле хезмәткәрләре кошлар килүенә кирәкле барлык әйберләрне әзерләргә өлгерә. Директор урынбасары Гөлнара Яруллина бу кошларның  таләпчән булмавын әйтте.

"Кышкы чорда кошлар катнаш азык белән тукланалар. Опилка салабыз. Су бирелә, пычрануга карап 2 тапкыр алыштырыла. Көнгә 1 тапкыр ашатабыз", - диде ат спорты мәктәбе директоры урынбасары Гөлнара Яруллина.

Җылылык башлангач, аккошлар шәһәр күленә һәм шарлавыклы буаларга кайтачак.