Ремонт аркасында Яңа Чишмә – Шереметьевка – Кармалы юлы 1 сентябрьгә кадәр ябылды
Капиталь ремонт сәбәпле, Яңа Чишмә районындагы әлеге трассаның бер кисемтәсендә хәрәкәт туктатылды. Автомобиль йөртүчеләргә әйләнеп узу юллары тәкъдим ителә.
Татарстанның Транспорт һәм юл хуҗалыгы министрлыгы мәгълүматларына караганда, Яңа Чишмә – Шереметьевка – Кармалы трассасының 22,7-нче километрыннан 27,6-нчы километрына кадәрге өлешендә хәрәкәт туктатылды. Бу чикләүләр юлны капиталь ремонтлау эшләре алып барылу сәбәпле килеп туды һәм 1 сентябрьгә кадәр дәвам итәчәк.
Автомобиль йөртүчеләргә әйләнеп узу өчен күрше төбәк юлларын, шул исәптән Казан – Оренбург – Чистай – Түбән Кама, Чистай – Түбән Кама маршрутларын һәм Р239 федераль трассасын сайларга киңәш ителә.
Шунысы да бар, моңа кадәр әлеге трассаның Түбән Кама районы аша узган 33,9-34,9 км арадагы кисемтәсендә дә хәрәкәт чикләнелгән иде. Ул участокта ремонт эшләре 31 августка кадәр барачак, ди "Татар-информ".
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Оставляйте реакции
