Әлмәт егетләре Казахстан үрләрен яулый
12-16 июнь көннәрендә Казахстанда дөнья чемпионы Нурболат Рысмаганбетов призына Халыкара бокс турниры булды.
Турнирда 2005-2006 елгы егетләр көч сынашты.
Биредә Казахстан, Монголия, Үзбәкстан, Кыргызстан һәм Россиядән килгән 96 спортчы катнашты.
Әлмәт данын биредә “Девон-Юность” бокс клубы укучылары яклады. Әлмәтнең көчле спортчылары бу ярышларда да сынатмады.
Ярыш нәтиҗәләре буенча Илдан Шәңгәрәев 34 кг авырлык категориясендә 1 нче урынга, Артем Бормотов 34 кг авырлык категориясендә 3 нче урынны яулады.
Моннан тыш, Артем Бормотов яхшы техника һәм тактик әзерлек күрсәткәне өчен махсус кубок белән бүләкләнде.
Егетләр “Девон-Юность” бокс клубында тренерлары Раджив Низамиев һәм Сергей Бормотов җитәкчелегендә шөгыльләнә.
Следите за самым важным и интересным в Telegram-каналеТатмедиа
Оставляйте реакции
