Әлмәтлеләр кикбоксинг буенча республика турнирында җиңү яулады

2-3 апрельдә Бөгелмә шәһәрендә Татарстан республикасының атказанган геологы Р.Г. Харисов истәлегенә һәм геолог көненә багышланган кикбоксинг буенча республика турниры булып узды.

Әлмәт шәһәрен балалар-яшүсмерләр спорт мәктәбендә шөгыльләнүчеләр тәкъдим итте.

Әлмәт кикбоксерлары бик яхшы нәтиҗәләр күрсәттеләр.

Симонов Никита, Фадеев Никита җиңү яуладылар. Козлов Дмитрий, Муллагалиев Камил 3 нче урыннарны алдылар.

Егетләрне һәм аларның тренерларын котлыйбыз!