Казанда дарулар китерү буенча электрон хаб эшләячәк
Иртәгә Казанда даруларның электрон хабын ачу тантанасы булачак, препаратлар складтан һәм онлайн рәвештә сатылачак. Бу хакта ТР Хөкүмәте Йортында узган брифингта ТР Президенты матбугат хезмәте җитәкчесе Лилия Галимова хәбәр итте.
"ТР Президенты тарафыннан 27 ноябрьгә билгеләнгән сроклар үтте. Иртәгә бу объектны ачу планлаштырыла", - диде Галимова.
Чарага холдингта медицина юнәлешенә кураторлык итүче Саклык банкы идарәсе рәисе урынбасары Ольга Голодец килүе көтелә.
Хаб бинасы Сәет Галиев ур., 6 адресы буенча урнашкан складта урнашкан. Объект онлайн һәм офлайн форматта эшләячәк.
"Интернет ярдәмендә сезгә бер сәгать дәвамында Казан шәһәре буенча китерелә торган препаратларга заказ биреп алырга, яки хабта касса аша, гадәти даруханәдәге кебек, дару чараларын сатып алырга мөмкин булачак», - дип белдерде ТР Президенты матбугат хезмәте җитәкчесе.
Аның ассортиментында якынча 18 мең төрле препарат булачак. Хаб көн саен 1 меңгә якын заказга хезмәт күрсәтә ала. 20 курьер препаратларны шәһәр буенча таратачак.
Следите за самым важным и интересным в Telegram-каналеТатмедиа