Мәдәният. Сәнгать
Әлмәттә тәрбиячеләр өчен “Агрокласс” семинары узды
11 декабрь көнне мәшгульлек үзәгендә Әлмәт районының мәктәпкәчә белем бирү оешмаларының укытучылары өчен “Агрокласс” дип исемләнгән семинар булып узды.
Ул авыл хуҗалыгы һөнәрләренең абруен арттыру максатыннан чыгып оештырылган иде. Семинарны Татарстанның Аграр яшьләр берләшмәсе вәкилләре һәм WorldSkills-2019 дөнья чемпионатының психологы уздырды.
Тәрбиячеләр хозурына мәктәпкәчә яшьтәге балаларга һөнәри юнәлеш бирү буенча уен комплектлары тәкъдим ителде. Әлеге комплектлар “Агрокласс” һөнәри юнәлеш бирү проекты ярдәме белән алынды.
Укытучылар билгеле бер график буенча мәшгульлек үзәгенә килеп, бу комплектлардан файдаланып дәрес бирә алачак.
Следите за самым важным и интересным в Telegram-каналеТатмедиа