Әлмәт урамнарында ЭКОЛОГИК МӘГЪЛҮМАТИ-ТАБЛО барлыкка киләчәк

Алар шәһәр халыкка  әйләнә-тирә мохит торышы турында мәгълүмат бирәчәк. Атмосфера һавасының проба нәтиҗәләре бер стационар һәм ике күчмә лабораториядән алыначак.

Шәһәр халкы атмосферада пычрак матдәләрнең  (күкертле водород, азот оксиды, метан, углеводородлар, сөрем газы катнашмалары) концентрациясе турында белә алачак. Онлайн-режимда мониторлар экологик мониторинг нәтиҗәләрен һәм һава температурасы, җил юнәлешен һәм көчен, атмосфера басымын һәм  дымлылыкны трансляцияләячәк.