Әлмәттә «Нур» балалар һәм яшьләр психологик-педагогик ярдәм үзәге төзекләндереләчәк

Әлмәттә «Нур» балалар һәм яшьләр психологик-педагогик ярдәм күрсәтү үзәге бинасын капиталь төзекләндерәчәкләр. Хәзерге вакытта учреждение барлык категория гражданнарга психологик ярдәм күрсәтә. Ремонтка акча республика бюджетыннан биреләчәк.

Аны яңарту проектын үзәк мөдире Эльвира Чирикова тәкъдим итте. Аның булачак реконструкциясе турында «Психологлар – Безнең заман геройлары» дип аталган очрашуда сөйләштеләр. Ул яшьләр үзәгендә узды.

Чарада мәгариф идарәсе, балалар һәм яшьләр эшләре буенча идарә педагог-психологлары, социаль яклау һәм сәламәтлек саклау белгечләре катнашты. Алар өчен мастер-класслар үткәрделәр.