Әлмәт районы башлыгы Тимур Нагумановның бәйрәм котлавы

Сезне иң хөрмәтле һәм күптән көтелгән мөселман бәйрәмнәренең берсе-Корбан бәйрәме белән чын күңелдән котлыйм! 

Күп гасырлар дәвамында бу якты бәйрәм мөселманнар тормышында мөһим роль уйный. Ул шәфкатьлелек, киң күңеллелек  кебек югары әхлакый идеалларны гәүдәләндерә. Корбан бәйрәме кешеләрнең якынаюына хезмәт итә, дингә, күп халыкларның тарих һәм мәдәниятенең иң яхшы традицияләренә хөрмәт тәрбияли. Яхшы эшләр һәм мохтаҗларга ярдәм итү бу бәйрәмгә аерым мәгънә бирә, йөрәкләрне игелек һәм рәхмәт белән тутыра.

Әлмәт-күпмилләтле шәһәр. Безнең төп байлыгыбыз-аның халыклары арасында тынычлык һәм татулык. Бердәмлек безнең көчебез һәм уңышыбызның нигезе. Нефть башкаласының мөселманнары һәм мөселман җәмгыяте төрле халыклар һәм дин вәкилләре белән бердәм яшәве сөендерә.
 
Алар районның иҗтимагый тормышында актив катнашалар, гаилә институтына, үсеп килүче буынны толерантлык рухында тәрбияләүгә зур игътибар бирәләр, хәйрия һәм мәгърифәтчелек эшчәнлеген үстерәләр. Барлык традицион диннәр вәкилләре бер-берсенә эчкерсез ярдәм күрсәтеп, иртәгәсе көнгә һәм Әлмәт районының чәчәк атуына ышаныч уята. 

Изге Корбан бәйрәме һәр йортка җылылык, шатлык, якты өметләр, җан тынычлыгы китерсен. Сезгә нык сәламәтлек, бәхет һәм иминлек телим! Бәйрәм белән, кадерле әлмәтлеләр!