Черки тешләвеннән ВИЧ йокмый
"Росстат" үткәргән тикшеренү нәтиҗәләре россиялеләрнең ВИЧ-инфекциянең йогу юллары хакында аз белүен күрсәткән.
Һәр алтынчы россияле черки тешләвеннән ВИЧ-инфекция йогуына ышана икән. Ә һәр унынчы респондент вирус йөртүче кеше белән бергә ашаудан курка.
Халыкның яртысы гына анадан балага инфекция йогарга мөмкин икәнен белә (авырлы вакытта, имезгәндә, бала туганда). Ә 17 процент кеше презервативның инфекциядән саклавына шикләнә.
Бу куркыныч инфекциянең йогу юллары хакында халыкның аз белүе авыруның таралуына сәбәпче, дип саный белгечләр.
Черки тешләвеннән ВИЧ йокмый. Бу 1980-90 елларда ук исбат ителде. Инфекция җенси юл, авыру анадан балага һәм кан аша йога (зарарлы кеше кулланган шприц аша, вирус йөртүченең каны сәламәт кешенекенә эләксә).
Фото: https://pixabay.com
Следите за самым важным и интересным в Telegram-каналеТатмедиа
Оставляйте реакции
