Сәламәтлек
Татарстанда “ЭпикВакКорона” вакцинасын сынау башлана
Аны сынауда 3 мең кеше катнашачагын хәбәр итә Роспотребнадзорның матбугат хезмәте.
“Вектор” фәнни үзәге эшләгән “ЭпиВакКорона” коронавирус инфекциясеннән вакцина Татарстан медицина учреждениеләренә регистрацион клиник сынаулар үткәрү өчен алынган. Шулай ук ул Мәскәү, Мәскәү өлкәсе, Төмән һәм Калининград өлкәләре хастаханәләренә җибәрелгән.
Матбугат хезмәтендә билгеләп үтелгәнчә, әлеге төбәкләрнең медицина учреждениеләре сынауда катнашырга теләүчеләрне җыя башлаган инде. Сайлап алуда 4 мең кеше катнашыр дип планлаштырыла, аларның 3 меңен сайлап алачаклар. Анда 18 яшьтән өлкәнрәкләр катнаша ала.
Следите за самым важным и интересным в Telegram-каналеТатмедиа