Әлмәттә травматология үзәге ачылды

Ул медсанчастьтагы травматология бүлекчәсендә эшне җиңеләйтү максаты белән гамәлгә кертелде. Травмпункт аерым керү урыны һәм авыруларны ашыгыч ярдәм каретасы белән алып керү өчен тудырылган махсус уңайлыклар белән бинаның 1 нче катында урнашкан. Медицина ярдәме тәүлек әйләнәсенә күрсәтеләчәк. Биредә рентгенодиагностика, операция бүлмәләре, гипс салу, манипуляция һәм табиб кабинетлары бар.