Әлмәттә куркыныч лампаларны тапшырырга була

Әлмәтнең җиде ноктасында куллануда булган терекөмешле лампаларны тапшыру өчен махсус контейнерлар куелган. Андый лампаларда куркыныч матдә саналган терекөмеш бар. Ул исә кешегә дә, әйләнә-тирә мохитка да тискәре йогынты ясый. Бер лампа таркалганда гына да 5 мең кубометр һава сулау өчен яраксызга әйләнә.
Шуны истә тотып, Әлмәттә түбәндәге адреслар буенча махсус контейнерлар урнаштырылды:
- Тельман ур., 51 («ЖЭУ-7»), 
- Шевченко ур., 126 («ЖЭУ-12»), 
- Гафиятуллин ур., 45 («ЖЭУ-10»), 
- Төзүчеләр пр., 68 (УК «Алсу»), 
- Бигәш ур., 131 («Көнбатыш капка» ТСЖ), 
- Түбән Мактама бистәсе, Заводская ур., 10 (МУП «Комфорт»), 
- Түбән Мактама бистәсе, Некрасов ур., 18а ((МУП «Комфорт»).