Җәмгыять
Әлмәттә Игелек ярминкәсе узачак
Әлмәт мөхтәсибәте әлмәтлеләрне һәм шәһәребез кунакларын 1 декабрьдә Үзәк мәчеткә Игелек ярминкәсенә чакыра.
Биредә иҗат белән шөгыльләнүче һәм искиткеч матурлык тудыручы мөмкинлекләре чикләнгәннәр ясаган эшләнмәләр сатуга куелачак. Бизәнү әйберләре, бәйләнгән киемнәр, өй өчен кирәк-яраклар һәм башкалар тәкъдим ителәчәк. Кабатланмас эшләнмәләргә ия булырга, күтәренке кәеф, көч-илһам алырга һәм ярдәм кулы сузарга теләүчеләрне көтеп калабыз!
Ярминкә Мәрҗани урамындагы Үзәк мәчеттә 10.00-15.00 сәгатьләрдә эшләячәк.
Следите за самым важным и интересным в Telegram-каналеТатмедиа