Әлмәтлеләр фото бәйгесендә катнаша ала

«Бердәм Россия» тарафдарлары Татарстанда әнә шундый проектка старт бирде. Проект яшь буын арасында патриотик кыйммәтләрне популярлаштыруга юнәлдерелгән, фоторәсемнәр ярдәмендә мәдәни һәм милли мирасыбызны саклап калу максатын күздә тота.
Фотопроект 9 декабрьдән киләсе елның 15 апреленә кадәр гамәлдә булачак. Анда 21 яшькә кадәргеләр - муниципаль, дәүләт һәм дәүләтнеке булмаган мәктәпкәчә яшьтәге, урта һәм югары уку йортлары укучылары һәм студентлары катнаша ала. Бәйгегә эшләр цифрлы вариантта түбәндәге электрон адреска юллана: rgo.photoproject@mail.ru.
Проект положениесе белән ВКда рус географик җәмгыяте тарафдарларында, шулай ук «Бердәм Россия»нең Татарстандагы җирле бүлекләрендә танышырга була.