Татарстанда Яңа елга кадәр көннәр санала башлады

Татарстан Дәүләт хезмәтләре порталында һәм республика дәүләт хакимияте органнарының барлык сайтларында яңа елга кадәр калган көннәрне, сәгатьләрне, минутларны һәм секундларны санаучы баннер урнаштырылган.
 

Шул ук вакытта баннерда сурәтләнгән медицина битлегендә Кар бабай республика халкына бәйрәм көннәрендә дә профилактик чараларны үтәүнең мөһимлеге турында искә төшерә.

Бу хакта Татарстан  дәүләт идарәсен цифрлы нигездә үстерү, мәгълүмат технологияләре һәм элемтә министрлыгы хәбәр итә.