Җәмгыять
Татарстанда боз астына киткән кешене коткарганнар
Быел Татарстанда беренче тапкыр 18 ноябрьдә Түбән Кама районында бер кеше боз астына киткән һәм аны коткаруга ирешкәннәр.
Березовая Грива авылы ягыннан 100 м ераклыктагы Кама елгасында бер ир-ат боз астына киткән. Моны күргән Иван Баров мөстәкыйль рәвештә аны судан чыгарган. Әлеге урында бозның калынлыгы 3-4 см тәшкил иткән. Бу хакта ТР гражданнар оборонасы эшләре һәм гадәттән тыш хәлләр министрлыгы хәбәр итә. Шәһәр хастаханәсенә озатылган ир-атның исерек хәлдә булганлыгы ачыкланган. Аны 7 см га кадәр калынлыктагы бозга чыкканы өчен 2 мең сум күләмендә штраф көтә.
Следите за самым важным и интересным в Telegram-каналеТатмедиа