Әлмәт туган якны өйрәнү музеенда Кузьминка бәйрәме уздырылган

“Музейда музыка” проекты кысаларында музейда көзне озату, кышны каршылау бәйрәме үткән. Борынгы заманнарда бу көнне тавык итеннән токмачлы аш, ботка һәм тавык итеннән башка ризыклар әзерләгәннәр. 

Әлеге бәйрәмне үткәрүдә Әлмәт музыка көллияте студентлары актив катнашкан. Бу чарада борынгы җырлар, әйтемнәр, табышмаклар, мәкальләр яңгыраган. Бәйрәмнең кунаклары традицион 7 ярмадан торган, тавык шулпасында пешкән боткадан авыз иткәннәр.Бу хакта Әлмәт туган якны өйрәнү музее хәбәр итте.