Әлмәт балалар бакчасында «Сәламәт яшәү рәвеше трендында бул!» проектын тормышка ашыралар

Әлмәтнең «Жар-птица» 6 нчы балалар бакчасының балаларны үстерү үзәгендә «Сәламәт яшәү рәвеше трендында бул!» проекты тормышка ашырыла. Аның максаты - балалар, яшүсмерләр, яшьләр арасында сәламәт яшәү рәвеше күнекмәләрен формалаштыру.

Дәрестә балалар бакчасы карамагындагылар волонтерлар белән бергә күңелле зарядка оештырдылар.

Проект буенча коллектив төрле акцияләр үткәрә. Мәсәлән, катлаулы эпидемиологик вәзгыять чорында сәламәтлеккә җаваплы карашны кисәтү өчен, “Игелек һәм шатлык бүләк ит” хәйрия акциясе пенсионерларга, инвалидларга сәламәт туклану продуктлары җыелмасы тапшыруда ярдәм итә; “Сәламәт тормыш ритмында" саф һавада ата-аналар белән зарядка үткәрелә.

Әлмәттәге балалар йортында тәрбияләнүчеләр өчен «Сәламәтлекне бергә саклыйк» дигән психологик акция үткәрелгән. Әлеге акциянең максаты - психик сәламәтлекнең нәрсә икәнлеген аңлату, аны ныгыту һәм саклау алымнары белән таныштыру.

Заманча иҗади технологияләр ярдәмендә проект вәкилләре яшьләрне «Здравые граффити» акциясе ярдәмендә сәламәт яшәү рәвеше алып барырга өнди. Алар Олимпия резервы мәктәбендә тәрбияләнүчеләр белән «Сәламәт яшәү рәвеше турында спортчылардан файдалы киңәшләр» дигән уртак чара оештырдылар.

Әлмәт шәһәренең «Жар-птица» балалар бакчасы коллективының волонтерлык хәрәкәте сәламәт яшәү рәвешен пропагандалауны дәвам итә һәм Россия халкын сәламәт яшәү рәвеше трендында булырга чакыра.