Әлмәт районында булачак уңышны формалаштыру мәсьәләләре буенча семинар узды
22 сентябрь көнне Әлмәт районының Кәләй авылында Н.Е. Токарликов исемендәге җәмгыять базасында 2022 елда булачак уңышны формалаштыру буенча чараларның комплексы мәсьәләләре буенча семинар үткәрде.
Чарада авыл хуҗалыгы формированиеләре җитәкчеләре, баш инженерлары һәм агрономнары, фермер хуҗалыклары башлыклары, дилерлар һәм тәэмин итүчеләр катнашты.
Семинарны авыл хуҗалыгы һәм азык-төлек идарәсе начальнигы Фәнис Шәрәфиев ачты һәм алып барды. Ул игенчелектә начар һава шартларында тотрыклы уңыш алуга юнәлдерелгән чаралар турында сөйләде. Шулай ук агымдагы ел шартларында туфракны төп эшкәртү үзенчәлекләре турында да сүз барды. "Бүгенге көндә районда көзге культуралар чәчү төгәлләнде диярлек. Бу планлаштырылган 11 гектарның 8 мең гектарына якын", - дип билгеләп үтте Фәнис Шәрәфиев һәм авыл хуҗалыгы культураларын үстерүнең өч фазасы турында сөйләде.
«Сабагро» компаниясе менеджерлары үз продукцияләрен тәкъдим иттеләр. Алар AGCO халыкара корпорациясенең рәсми дилеры булып торалар һәм базарда Massey Ferguson, FENDT, VALTRA авыл хуҗалыгы техникасы җитештерүчеләрен тәкъдим итәләр. Компания семинарда катнашучыларны авыл хуҗалыгы агрегатлары һәм запас частьләр белән таныштырды.
«Россельхозцентр»ның район бүлеге көзге чорда үсешкә бәйле рәвештә көзге культураларда үткәрелә торган чаралар турында сөйләде.
«ТатАгрохимсервис» вәкиле агулау машиналары һәм аларны көйләү турында мәгълүмат бирде. Компания үзйөрешле, тагылма сиптергечләр, транспорт платформасында күчмә катнаш комплекс җитештерә, шулай ук эретмә төеннәрен эшли.
Чара туфракны чәчү алдыннан эшкәртү өчен авыл хуҗалыгы машиналарын күрсәтү белән тәмамланды. Семинарда катнашучылар сабанны тирәнәйтүче дискатер эшен карадылар.
Следите за самым важным и интересным в Telegram-каналеТатмедиа
