Тормыш - яшәеш
Ялган акчага юлыкмагыз!
РФ ЭЭМның Әлмәт районы буенча бүлегеннән алынган мәгълүматларга караганда, 17 декабрьдә әйләнештән ялган акча алынган.
1 мең сумлык ялган акча шәһәр АЗСларының берсендә акча санаганда табылган. Быел Әлмәт территориясендә 20 ялган банкнот ачыкланган. Аларның күпчелеге 1 мең сумлыкларга туры килә. Хокук тәртибе сагында торучылар шәһәрдә һәм районда яшәүчеләргә кәгазь акчаларга игътибарлырак булырга киңәш итә. Әгәр мондый акчаларга тап булсагыз яки аларны ясау һәм әйләнешкә кертү белән шөгыльләнүчеләр турында беләсез икән, хәбәр итегез.
Следите за самым важным и интересным в Telegram-каналеТатмедиа
