Тормыш - яшәеш
ТР Конституциясе көне алдыннан Әлмәттә 800 нче никах теркәлгән
5 ноябрьдә 800 нче пар никахларын теркәгән. "Юбилейлы" парлар исемен Илдар Исмаилов белән Диләнә Даведова алган.
Район башкарма комитетының ЗАГС идарәсе белгечләре яшь парны чын күңелдән котлап, гаилә иминлеге теләгән.
Исегезгә төшерәбез, 2020 елның 700 нче парын 1 октябрьдә теркәгән иделәр. Шулай итеп, бер ай эчендә безнең шәһәрдә 100 пар никахын теркәгән. 10 ай эчендә 803 гаилә корылган.
"Туйларның күбесе тантаналы шартларда узды", - дип хәбәр итә Әлмәт ЗАГС идарәсе хезмәткәрләре.
Следите за самым важным и интересным в Telegram-каналеТатмедиа