Әлмәт таңнары
Әлмәт районы
18+
Арча районы Үрнәк бистәсендәге мәчеткә килгән зыян 2,5 мең сум тәшкил иткән.
Арча районы суды җирле егет - 19 яшьлек Марсель Нурисламовка карата хөкем карары чыгарды. Егет РФ Җинаять кодексының 158 нче маддәсе 1 нче бүлеге буенча урлашуда гаепле, дип табылды.
Суд тарафыннан ачыкланганча, быелның 26 март кичендә Нурисламов Үрнәк бистәсе мәчетенә керү урынында урнаштырылган сәдака тартмасын урлый. Андагы акчаны тәмәке һәм сырага сарыф итә, калганын яшереп куя.
Көллияттә белем алучы егет үз гаебен тулысынча таныган, килгән зыянны да кайтарган. Суд аңа 300 сәгатьлек мәҗбүри эш билгеләү турында карар чыгарды.
Следите за самым важным и интересным в Telegram-каналеТатмедиа
