Суда баткан баланы коткарган үсмер үзе батып үлгән

Вакыйга кичә булган. Питрәч районында 9 яшьлек Владислав атлы малай ата-анасыннан башка гына су коена торган була. Кинәттән ул бата башлый. Баланың коткару ялваруын ишеткән 14 яшьлек Александр Конов беренче булып ярдәмгә ташлана. Малайны тартып чыгарган вакытта батучы куркудан аның җилкәсенә менеп атлана. Нәтиҗәдә малайларны олыраклар күреп ала. Беренче эш итеп алар су өстендә булган Владиславны тартып чыгаралар. Кабат суга кергәндә Александр инде хәлсезләнеп су төбенә киткән була.
Үсмернең гәүдәсен кич белән 4 м тирәнлектә ярдан 8 метр эчтәрәк булган урында водолазлар табып ала.