Стивен Сигал Россия гражданлыгы алырга мөмкин [+ФОТО]

Аның сүзләренчә, ул Россиядә елына берничә ай вакытын уздырырга җыена икән. "Мин Россия гражданлыгы турында уйланам. Ул каядыр - офыкта", - дигән актер Көньяк Сахалинда узган "Край света" кинофестивале вакытында. Сигал шулай ук Россияне ошатуын, биредә мәдәниятнең бай булуын да әйткән.

"Мине Сахалинның урыны җәлеп итте. Ул Япония белән янәшә урнашкан", - дигән кино йолдызы.

Исегезгә төшерәбез: Стивен Сигал Кыргызстанда Чолпан-Ата шәһәрендә икенче Бөтендөнья күчмә халыклар уеннары ачылышында катнашкан һәм анда Татарстан Президенты Рөстәм Миңнеханов белән бергә ярышларны күзәткән иде.

http://intertat.ru/tt/