Әлмәттә ялган аракы әйләнештән алынган

Полицейскийлар ТР дәүләт алкоголь инспекциясенең Әлмәт территориаль органы хезмәткәрләре белән берлектә үткәргән тикшерү барышында 7 июль көнне Әлмәттә озату документлары һәм акциз маркалары булмаган, Казахстанда җитештерелгән исерткеч эчемлекләр таратучыга тап булалар.

Ачыкланганча, Әлмәттә яшәүче берәү сәүдә оешмаларына әлеге продукцияне арзан бәядән тәкъдим итеп йөргән. Аңа карата административ эш кузгатылган һәм административ тикшерү бара.