Әлмәттә яктылык кайтаргычларны каян алырга?

Торак пунктлардан читтә юлдан баручы җәяүлеләрнең киемендә яктылык кайтаргычлар булырга тиеш дигән закон чыкканнан соң, юлларда иминлек саклаучылар өчен халыкны яктылык кайтаргычлар белән тәэмин итү мәсьәләсе көн кадагына менде. Шул сәбәпле, дәүләт автоинспекциясе Россия почтасына үз бүлекләрендә шундый товарларны сатарга тәкъдим иткән. Бу дөрес тә, чөнки почта бүлекчәләре илебезнең хәтта иң ерактагы торак пунктларында да бар.

Хәзер балалар һәм спорт киемнәрендә җитештергәндә үк яктылык кайтаргыч тасмалар тегелгән була. Ә булмаганнарына тегү өчен тасмаларны балалар киемнәре сата торган кибетләрдән сорарга мөмкин.