Әлмәттә “Сбербанк” хезмәткәре уяулык күрсәткән

Дежур частька "Сбербанк" өстәмә офисларының берсендә хәвеф төймәсе эшләве турында хәбәр килә. Вакыйга урынына чыккан хокук сакчылары шуны ачыклый: офиста кассир-операционист булып эшләүче Лариса Логинова үз янына кулына коңгырт төстә билгесез предмет тоткан сәер кеше якынаюын күреп саклык төймәсенә баса. Хезмәткәрнең бу гамәлен шәйләгән егет тиз арада чыгып качу ягын карый. Сизгерлеге нәтиҗәсендә банк офисында закон бозуга киртә куела. Әлеге гамәле өчен Әлмәт полиция бүлеге җитәкчесе Дамир Гарипов Лариса Логиновага рәхмәт ирештереп, Мактау кәгазе белән бүләкләде.

Фото Интернеттан алынды