Әлмәттә кыю хатын төнлә җинаятьчене полициягә тапшырган

Бу хәл Төзүчеләр проспектында тәүлек әйләнәсе эшләүче кибеттә була. Бер кеше килә дә ачык тәрәзчектән тәмәке сорый. Сатучы тәрәзчекне ачык калдырып тәмәке алырга кереп китә. Шул арада егет кибеткә үтеп керә һәм пычак белән куркытып, сатучыдан бөтен акчаларын бирүен таләп итә башлый. Сатучы бөтен акчаларны бирәм дип аны эчтәге бүлмәгә алып керә һәм шунда бикләп калдыра да, полиция чакырта. Тоткарланучы 28 яшьлек элек хөкем ителгән әлмәтле булып чыга.