Әлмәттә ике әбине чишендергәннәр
Сүз кырыгалдарларның яңа алымнары турында барачак.
Яңа дигәч дә, күрәләтә торып кеше алдаучылар һаман саен гел бер сүзне куллана икән - кемнеңдер якыны авариягә очраган, икенчесе кеше бәргән... Мисал өчен, 61 яшьлек пенсионер ханымга шалтыратып, улының юл-транспорт һәлакәтендә гаепле булуын, эшне зурга җибәрмәс өчен акча кирәклеген хәбәр итәләр. Бу хәбәрдән җиһене чуалган ана банкомат аша кырыгалдарларга 75 мең сум акчасын күчергән.
Шул ук көнне 83 яшьлек әби оныгына "ярдәм итү" өчен 33 мең ярым сум акчасыннан колак кага.
Хәзерге вакытта әлеге ике факт буенча җинатяә эше кузгатылган. Тикшерү бара.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia