Әлмәттә ике бала белән әниләре зыян күргән

Әлмәтнең Шевченко урамы, 84 нче йортында исле газ белән агулану турында хәбәр итәләр. Унбер һәм алты яшьлек ике малай белән 35 яшьлек әни кешене агуланган хәлдә Әлмәт ЦРБсына алып китәләр. Килеп җиткән газ службасы фатирда газ туплануын ачыклый. Баксаң, хуҗабикә газ плитәсе духовкасын кабызган була. Шул ук вакытта вентиляция шахтасын да кәгазь белән томалап куйган булганнар.