Әлмәтле алдана язган, бәхеткә, картада акчасы булмаган

43 яшьлек бер әлмәтле дә сайтка хатынының тунын сату турында белдерү биргән булган. Аны алырга теләүче тиз табылган. Аферист сатып алучы әлмәтледән паспорт мәгълүматларын һәм акча күчерү өчен карта реквизитларын сораган.

Күпмедер вакыт узгач, әлмәтле сатып алучының мошенник булуыннан шикләнгән һәм онлайн-банк кабинетына кермәкче булган. Ләкин аны ваткан булып чыкканнар. Зыян күрүче «кайнар линия» телефоны аша бөтен счетларын яптырган. Аннары полициягә хәбәр иткән. Мошенниклардан зыян күрми калуының сәбәбе - картасында акчасы булмау.