Тормыш - яшәеш
Әлмәт балыкчылары – икенче урында
«Kamfish» балык тотучылар клубы якшәмбе көнне Түбән Кама сусаклагычында «Язгы фидер-2015» ярышларын оештырган.
Анда икешәр кешедән торган 20 команда катнашкан. Яр Чаллы, Түбән Кама, Азнакай шәһәрләре белән беррәттән Әлмәттән дә ике команда балык тоту буенча осталыкларын сынап карарга теләк белдергән.
Яңгыр булу сәбәпле, ярышларның вакытын кыскартырга туры килгән. Балыклар да бик чиертмәгән. Шунысы кызык, катнашучыларның 45 процентына балык гомумән эләкмәгән. Чаллылылар өч кило балык тотып беренче урынны яулаган. Әлмәт командасы икенче урынга чыккан. Өченче урында - Яр Чаллының тагын бер командасы.
Следите за самым важным и интересным в Telegram-каналеТатмедиа
Оставляйте реакции
